鐵路巨人便當
真係好巨大，飯上面鋪咗層肉臊，再上面係炸雞扒，最上面仲有炸豬排，另外仲配有滷水蛋伴着，真係份量十足。豬扒同埋雞扒都好大塊，大過我隻手。肉燥撈飯冇得輸，炸豬扒同雞扒都熱辣辣，啖啖肉。
紅燒牛肉麵
湯底味道都幾濃，紅燒牛肉係牛腱，口感唔錯，啲筋位好Q彈。個麵係台灣麵，厚切粗麵，好Q彈，配菜仲有蘿蔔，紅蘿蔔同埋半隻滷水蛋。
台灣百頁豆腐
呢個小食好好味，熱辣辣，台灣百頁豆腐除咗滑之外仲有啲彈嘅口感，好好味。
椒鹽魷魚鬚
同樣新鮮炸起上枱，非常香脆，椒鹽味好惹味，而且裏面嘅嘅魷魚鬚好新鮮，有鮮味。
宇治抹茶鮮奶
跟餐加$17就有，大大杯，甜度適中，抹茶味香醇，仲有粒粒紅豆響裏面。
黑糖珍珠厚鮮奶
呢個間餐加$19 ，同樣大大杯，珍珠好Q彈，而且好多，黑糖鮮奶香滑好飲。
