麥奀雲吞麵世家 (樂道)

營業中

休息中

搭左兩個鐘巴士終於落車，發現麥奀空降尖沙咀，有緣相見執您一執。望望 menu 跟中理一樣，已加上牛腩及粥品。雲吞麵走韮黃，頭啖湯好正，清爽甜美，薰芳清香，不過最尾幾啖湯就有點黏有點漿。細蓉只夠啜兩啖，唯有啜細力點又細啖點，分開四次。因為想頭兩啖試原味，尾兩啖試辣椒醬。特幼麵條超彈，爽到索索聲，過水得非常乾淨，沒絲毫鹼水味。因麵條較幼又微微捲曲，帶湯力強勁，載滿甜美湯汁嘴嚼份外滋味！無辣椒油供應啊，跟中環總店不同，辣椒醬照殺。高溫湯底連彈彈麵條大啖吸入口中，就算燙到差點起水泡都在所不惜，滾熱辣先最好食，將味道提升到極點！廣東咸辣醬味道怪怪的，跟雲吞麵完全唔夾。小巧玲瓏雲吞仔，原仔蝦仁爽得不天然，鹽醃啤水略咸。完全食唔到有肉既？淨蝦做餡？整碗雲吞麵可口滿意的，不過 $38 蚊一小碗太貴，唔值呢。