米線陣 (加拿芬廣場)

營業中

休息中

星期日放假獨自去偷歡，去了尖沙咀行街，路經加拿芬廣場，沿著樓梯落一層，左邊係大家樂，右邊係米線陣，猶豫了一陣晩餐食乜好，大家樂平時返工都成日食，今次就揀米線陣啦！我最鐘意食蕃茄湯底的米線，酸酸甜甜好醒胃。於是叫左個麻辣蕃茄肥牛餃子皇米線，配川辣青瓜牛𦟌粒，加杯青瓜豆漿。青瓜好清爽，食完沾滿辣油的牛𦟌再食青瓜即刻解了咀內嘅辣味。大大碗嘅米線食完非常飽肚，兩隻餃子足料大隻，湯底酸甜香辣，肥牛等配料吸收哂湯底精華，食完成個口都充滿左麻辣嘅刺激感，即刻要飲一大啖青瓜豆漿去中和一下。食完碗米線額頭都冒出汗，加埋小食同餐飲非常飽肚，埋單盛惠$72，喺尖沙咀區價錢唔算太貴，下次一個人可以再去。