阿爺八鮮鍋 (已結業)

旺角出名多火鍋店，最近天氣凍凍地，最想打邊爐，所以就決定咗嚟旺角餐廳剛剛新裝修，以卡位為主，坐得好寬躺，兩個人都可以安排4人坐位，如果多人仲有大圓枱，仲有vip 房，啱曬想要私隱度高的朋友餐廳剛剛有新Menu，加多少少錢仲有活海鮮刺身，今日套餐$398，已經有任食雞煲，特色燉湯，時令刺身，超級海鮮🦞盒，特色湯底，數十款海鮮火鍋配料任食，性價比非常高✨芝士雞煲最啱唔食辣嘅朋友，芝士非常多而且拉絲，似係用咗韓國芝士，芝士味唔會太濃，所以唔會太油膩，主角當然係個雞啦，雞肉嫩滑，唔會有雪藏味，就算滾耐左，雞肉依然咁嫩滑✨燉湯黑豆靈芝燉椰棗雞腳湯，非常足料，味道清甜，完全無添加味精食完雞煲就會換過另一款湯底，我哋叫咗蕃茄湯，係新鮮蕃茄味，湯底濃郁，仲有個魚頭熬湯，所以都帶點魚香味✨超級海鮮盒有龍蝦🦞，鮑魚，元貝，大蝦，蟹🦀️，龍蝦🦞好新鮮多汁而且啖啖肉好多蟹膏，鮑魚煙韌彈牙大大隻，蟹有蟹膏，非常鮮味，最正係元貝，大大粒，厚實且呈圓，裙邊爽甜✨海膽蟹肉迷你丼海膽非常飽滿，入口充滿鮮味，蟹肉超鮮甜，細細一碗，份量剛剛好之後我哋再追加左海鮮，鮑魚，蟶子王，鱔片花甲，斑片，龍躉都係任食，肉類仲有安格斯肥牛