稻八日式火鍋炸物放題 (已結業)

晏晝同友人喺大埔野餐，夜晚就去打邊爐食好西。估唔到喺呢區都有得食日式火鍋，每人加$30仲可任無限任飲清酒、梅酒同生啤。大部份火鍋配料可以喺自助吧自取，最特別係有炸物區可以自己炸嘢食，幾有趣。湯底揀咗冬陰功毛蟹，飲落味道酸酸辣辣，加埋鮮甜蟹味，淥肉一流。先提供豬牛羊雞同套餐嘅特別肉類各一碟，食完可以無限追加。美國穀飼牛好肥美，好有牛味。蝦滑同墨魚滑 - 好彈牙，幾新鮮。韭菜餃 - 幾濃味，包得好實，淥完都唔散。秋葵 - 好驚喜有秋葵食，好爽口。牛丸 - 好彈牙，又重口味，encore!蒿筍 - 好鮮甜。食物質素幾高，價錢唔貴，值得推介！