平昌

營業中

休息中

呢排追番韓劇搞到心血來潮想食韓燒，勁快手book左放工同男朋友去食韓燒放題，呵呵！一開lift門就見到鐵桶凳、韓式燒烤爐同抽氣管，有種好地道的感覺，但最驚喜係呢度真係有OPPA返工🤭員工先放低泡菜、豆芽、生菜，再倒蛋漿去爐邊，搞掂完就可以自己出去拎飲料同落單，用黑色油性筆在膠牌上面寫低食物號碼和數量交俾員工就Ok ，非常環保！先來一碗海帶湯先！呢個爐熱力超勁，好快就熟！一開始無留意燒到d雞翼燶曬，第二次就燒得好靚，完全無鞋口！LA牛排燒得不錯呢，肉質軟嫩，充滿肉汁！蒲燒鰻魚口感軟嫰，無骨，面層塗上蒲燒汁甜甜地，食起來好入味，必叫!! 煙鴨胸肉好快有油脂滲出，雖然肥膩但食落幾有咬口！除左啖啖肉之外，仲有海鮮類! 有半殼石蠔和半殼扇貝，感覺超值！魷魚入口軟嫰，單食較為乏味，我喜歡沾上韓式辣醬一齊食！雞肉串本身熟左，塗上秘制醬汁已經好夠味，輕輕燒一燒就食得! 最後忍不住叫左碗辛辣麵同男朋友share，最鐘意韓國麵個種煙韌口感同充滿辣味的湯底飽曬~