餐廳裝修新穎，融入京劇面具等中國傳統元素，感覺舒適。座位間隔寬敞，營業至凌晨三點，任飲任食，仲有獨立包廂，幾適合公司聚會。
今日揀左$298火鍋放題，有QR code落單的靚肉同海鮮，仲有自助取餐區。
🥢湯底五揀一，揀左花膠雞湯鍋底，有豐富膠原蛋白，湯汁色澤金黃，口感濃郁。
🥢海鮮
設有魚缸自助任拎生猛海鮮，包括鮑魚、大頭蝦、帶子、大蜆，花蟹等。食材都係老闆每日係北角碼頭挑選最靚海鮮，確保新鮮。
🥢肉類
QR code可點選多款肉類，其中超推薦美國牛板鍵和日本和牛，肉味濃郁。
🥢自助區
有大量蔬菜、丸類及炸物等火鍋配料。其中大漠雞肉串燒的肉質超級嫩滑！忍吾住食左幾轉。
🥢另外有飲品櫃，甜品就有雪條，冰粉等。
🌟餐廳食材種類超豐富，生猛海鮮真係超級新鮮滋味，性價比超高。
