知道上環「京香閣」推出$228起任食2小時京菜自助餐，
星期一至日晚市18:00-22:30都有提供，
除左招牌片皮鴨外，
仲有多達40款京菜任食，
更額外每位送一份砂窩花膠雞湯和原隻鮑魚花菇特色小菜，
都幾抵食喎！😏
原來係有兩款套餐～
蟲草花膠燉雞湯+加拿大🇨🇦龍蝦半隻 （$268）或 巨型大虎蝦（$228），
我地兩個人各點了一款套餐，
龍蝦揀左芝士焗，虎蝦要左干燒汁煮～
龍蝦幾大隻，厚肉爽彈，
芝士焗龍蝦簡直係perfect match！
大虎蝦外皮炸得香脆，
干燒汁酸酸甜甜，幾醒胃，不錯吃！
蟲草花膠燉雞湯
花膠燉得軟腍，湯頭膠原感十足！
滋補養顏！
重頭戲黎啦！😍
新鮮熱辣出爐嘅燒鴨，即席片皮，
京式片皮鴨皮脆肉嫩，
用自家製軟薄嘅餅皮包住，
加上青瓜、京蔥，再塗上京醬，正！😋
店員仲會不斷refill，保證新鮮！
其他京川滬菜小菜仲有醉翁蝦﹑鴨崧叉子燒餅、手撕雞、乾蔥豆豉雞、京蔥牛肉、翡翠炒蝦仁等，總有一款啱你心意！😏
🌟推薦❗️ 四喜烤夫幾入味，
配上香筍、木耳，
平時食一小碟都要$40-$50，
而家咁樣任食都真係幾抵食！
口水雞
唔會太辣，但勝在香口，不錯吃！
🌟推薦❗️ 紅油抄手
都算皮薄餡靚。
醉翁蝦
雖然唔係好入味，
但蝦肉肉質都算爽彈，可以一試！
話梅骨
酸酸甜甜，夠晒入味， 🌟推薦❗️
🌟推薦❗️ 干扁四季豆
炒得幾香口！
🌟推薦❗️上湯翡翠苗
翡翠苗一向都唔便宜，
而家仲要任食，又夠新爽脆！👍🏻
上海粗炒
味道一般，又唔係好夠熱。😟
胡麻醬雞絲冷麵
冷麵無預期嘅質地咁好食，
口感有點粉，
不過雞絲倒是份量足，還不錯吧！
最後黎個甜品酒釀丸子，
酒香暖胃，丸子軟糯～
飲品汽水、竹庶茅根、豆漿都係任飲！
整體來說，
味道唔係特別出眾，不過勝在菜式多，
任飲任食，真係可以食到翻本！😏
