二八火鍋 (已結業)

二八火鍋除咗有火鍋套餐之外，仲有$228一位嘅任食火鍋🍲計過條數，一定係任食嘅抵食！Menu選擇多樣，湯底已經有好多款、仲有好多款前菜同小食，最重要嘅係有手切本地吊龍肉、安格斯牛小排同安格斯封門柳，手切本地吊龍肉肉質最正！而且仲有唔同部位嘅牛肉，例如牛王喉、牛骨髓同黑柏葉等等。相信好少任食火鍋店會做到呢個價錢但有咁多款牛食🥹湯底有招牌沙嗲、麻辣清油湯底、川弓白芷魚頭、竹笙椰子鷄鍋同胡椒豬肚鷄鍋等等。試咗佢哋嘅沙嗲湯底拼個清少少嘅瑤柱冬瓜咸豬骨湯底，配牛肉係最夾！小食方面，推薦冰火水魷，水魷口感彈牙爽滑，忍唔住係咁食😂仲有酥炸有骨魚皮都係小食嚟，但我就用咗嚟打邊爐，魚皮厚所以食落夠有口感！仲有估唔到有椒鹽豆腐粒，都好正🤭