阿爺八鮮鍋 (已結業)

阿爺八鮮鍋 (旺角).呢間想試好耐，次次行過家樂坊都會見到對面有個好大嘅招牌係阿爺八鮮鍋。我七點食，早左少少到，坐左一陣勁爆場！.一去到揀翻你想食咩味嘅雞煲同埋湯底，雞煲分別有麻辣同埋芝士，而湯底我印象中有麻辣昆布蕃茄等。如果你like佢嘅社交平台會送生蝦兩隻，套餐做緊一個小食，而今日就係炸墨魚餅，仲有個老火燉湯送，好好飲，下面仲會好貼心咁熱住上. ▪️麻辣雞煲▪️.我哋驚食得太飽所以冇嗌到芝士，叫咗個微辣雞煲，咖啡嘅份量唔算多對於我哋兩個來講非常好而且之後可以任食，都唔需要食太多。個雞好惹味同埋啲雞都唔會好大舊！.▪️活刺身孖寶拼盤▪️.個刺身拼盤應該係時令產物，而今日我食嘅有八爪魚片，刺身魚，肥美帶子.▪️超級海鮮盒▪️.店舖有佢哋堅持，一定要上左超級海鮮盒之後先可以再任叫食物。入面有活龍蝦，日本元貝，活鮑魚 ，爆膏蟹，特大虎蝦。唔係講笑個膏蟹好香，元貝好肥美，連隻虎蝦都好甜.呢度最吸引嘅部份係連海鮮都有得任食，男朋友最喜歡嘅蟶子都可以無限encore。重點係每隻都好大條好肥美，但係令人可惜嘅係呢度嘅安格斯牛肉反而有啲遜色，但係其他嘅海鮮以至蟹滑，韭菜餃等配料都非常出色！.飲品方便呢度除咗烏龍