一鍋堂 (XX Arcade) (已結業)

天氣開始轉凍，係時候約老友打邊爐🍲我地book位於旺角豉油分店既”一鍋堂”，雖然係多人，但地點夠方便，出港鐵行5分鐘就到! 呢度可以任飲任食，係我既至愛!😍選擇湯底真係相當傷腦筋，有成十五款精選湯料，款款都好吸引，仲有兩款期間限定”藥膳羊腩湯及花膠乳鴿養生湯”見度花膠湯底，緊係要潤一吓! 仲要左款麻辣鴨血豆腐湯，變成鴛鴦鍋，實行食住保養同辣住養生🥰上枱真係有大大份既花膠同一隻乳鴿另上碟，我一次過就放落湯底，等佢滾出味來!套餐有A,B &C款，如果係會員選B or C套餐，每位顧客仲送贈有殼鮑魚同珍寶帶子各一隻；因為朋友想食和牛，就選左C款套餐!所有肉類、海鮮、手工餃、唔食唔得既精選食材，都係以QR Code落單，方便快捷! 佢地上菜速度快又無漏單情況，超級滿足! 攪到成張枱都係食物!! 好似食迴轉壽司咁，一碟碟疊高，相當壯觀!💥日本黑毛和牛💥澳洲和牛💥手切牛脊肉💥封門柳💥安格斯牛肉我地係咁狂食呢個套餐最靚既牛🐂，每款牛都好香好嫩，牛味濃郁，又唔會太肥尤其係澳洲和牛，佢既雪花紋理細緻均勻有序，油脂比例豐富，入口即溶，而且肉味濃厚，令人回味無窮!佢地仲有輕食，好似有前菜既泡椒雞腳、涼拌既蓮