蘇媽.蘇媽馬來西亞茶餐室 (已結業)

通常喺尖沙咀食嘢都以為係食西餐或者日本餐，今日朋友竟然約我嚟食馬來西亞餐，仲要係茶餐廳，感覺都幾特別，所以一開始都好期待今晚個晚餐，點知嚟到之後發覺有超級大驚喜，呢度個裝修唔係話超級華麗，但係有一種懷舊有摩登嘅感覺，我勁鍾意！食物方面都絕對唔差。首先要左個三層肉(肉骨茶），呢到嘅肉骨茶有當歸、川芎等好多種藥材，個味道完全係我鍾意嘅！然後個湯更加係無限任加！超級抵食！哥佬麵配雞排都好好食，個雞排好大塊，然後燒得好好，個麵又有微甜，正！最後都唔抵得，要叫埋個椰香咖央多士，超多餡，勁好食！至於飲品就叫咗一杯特飲椰汁班蘭冰同埋一杯特飲美綠暴龍。真係好無敵，又有雪糕又有milo！