影片
更多
2022-08-29
700 瀏覽
Holam bakery 聽就聽得多，食就真係第一次。去開觀塘做facial，難得做完之後又即係返屋企，所以就去咗買蛋糕。鋪頭喺四樓，如果有腳力，我就建議行上去喇，等𨋢有排等😂本身諗住淨係買兩嚿，見到佢寫住買四舊嘅有冰包，由於我要入去大西北，咁就梗係買四舊啦！仲可以試埋其他口味，唔啱食下次唔買～口味眾多，睇到我舊舊都想食，最後買咗最多人推介嘅抹茶同芒果流心，加上特濃焙茶，同焦糖咖啡！$36-39一舊嘅千層蛋糕，性價比高！老實講，比lady X 更好食，cream 清甜不膩，皮有咬口有蛋香，而不厚；有時食千層蛋糕食完之後好有罪惡感，因為太多cream，但係食完呢個會覺得啱啱好，（不過，始終甜品都唔好成日食）抹茶控一定好中意抹茶流心，超超超濃但不澀，非抹茶控嘅老公就愛上芒果流心，芒果唔酸而果肉多。去到第二日，先食焙茶同埋焦糖咖啡，口感都冇變到。焙茶比起抹茶冇咁濃，都好食但係冇抹茶咁令我印象深刻；反而焦糖咖啡有驚喜，本身都擔心有焦糖會甜，原來粒焦糖並唔係融入咗喺蛋糕入面，係放喺上面，特濃咖啡再點少少沙沙嘅焦糖，絕配～
去開觀塘做facial，難得做完之後又即係返屋企，所以就去咗買蛋糕。
鋪頭喺四樓，如果有腳力，我就建議行上去喇，等𨋢有排等😂
本身諗住淨係買兩嚿，見到佢寫住買四舊嘅有冰包，由於我要入去大西北，咁就梗係買四舊啦！仲可以試埋其他口味，唔啱食下次唔買～
口味眾多，睇到我舊舊都想食，最後買咗最多人推介嘅抹茶同芒果流心，加上特濃焙茶，同焦糖咖啡！
$36-39一舊嘅千層蛋糕，性價比高！老實講，比lady X 更好食，cream 清甜不膩，皮有咬口有蛋香，而不厚；
有時食千層蛋糕食完之後好有罪惡感，因為太多cream，但係食完呢個會覺得啱啱好，（不過，始終甜品都唔好成日食）
抹茶控一定好中意抹茶流心，超超超濃但不澀，非抹茶控嘅老公就愛上芒果流心，芒果唔酸而果肉多。
去到第二日，先食焙茶同埋焦糖咖啡，口感都冇變到。焙茶比起抹茶冇咁濃，都好食但係冇抹茶咁令我印象深刻；反而焦糖咖啡有驚喜，本身都擔心有焦糖會甜，原來粒焦糖並唔係融入咗喺蛋糕入面，係放喺上面，特濃咖啡再點少少沙沙嘅焦糖，絕配～
28 瀏覽
0 讚好
0 留言
張貼
