不倒翁中日火鍋料理 (已結業)

食具十分衞生，加上全境對海，個view超正！仲可以睇埋幻彩咏香江添！醬料充足，很努力去配搭，但最終都無用到，因為...樣樣食品都好鮮味，若塗了醬料，反而浪費了原有鮮味！湯底，揀了秘製牛肉粒煱$138，以蕃茄薯仔作湯底，帶酸，但正好中和了打邊爐的油膩，十個讚！而且牛肉粒十分多，若兩個人食已足夠！黑松露蝦西洋菜餃，嘩，我本身唔係鍾意食餃的人，但居然令我愛上。點菜時仲諗住唔會有黑松露的味道，點知，最出味的反而是黑松露，內裡的大蝦十分爽，十分新鮮的蝦。反而西洋菜味被黑松露味蓋過了，此料不及。$99有8隻，簡直超值！推推推...生劏田雞，佢無講大話，端上枱時，仲係腳fing fing。而且很嫰很鮮甜，絕對唔係自己在街市買的般“鞋”的。爽肉鯇，十分脆及鮮甜，份量也不少。鮮帶子，又係鮮甜的，值得一讚算是厚切，唔係薄到feel唔到帶子味的！皇帝菜，$40多，但也不少，足夠兩個人食有餘。敬送甜品，桂花杞子糕加西瓜，好味，打邊爐後來一客甜品，簡直人間極品！服務：侍應好有禮貌，食完後會先幫你埋單，但門外其實無人等位，可以講你任坐，欣賞維港景色！這一餐，真的很滿足同喜出望外！