Avenue75

營業中

休息中

朋友下星期移民去加拿大，今日把握時間約Happy Hour，最後揀咗位於尖東嘅Avenue 75。餐廳裝潢設計充滿英倫風，無論從皮革高椅，木枱到牆上既壁畫都充滿藝術氣息。- 黃咖喱蟹肉·蒜蓉飽蒜蓉包一共有五片，非常香脆。黃咖喱唔係好辣，入面蟹肉好豐富，呢個配搭認真出色😍- 龍蝦汁海鮮意大利扁麵一上菜已經聞到好香嘅龍蝦汁味，不過食落龍蝦汁味道唔係太濃。海鮮方面非常新鮮，款式亦好多包括大蝦、魷魚同青口。- New York Sour 自己最鍾意嘅classic cocktail就係whisky sour，而New York Sour屬於同一類別，分別在於New York Sour加咗紅酒，果酸更加平衡，分層亦好靚🥰- See My Pearl See my Pearl係餐廳其中一款signature cocktail，本身以為Gin-based既cocktail 會好濃烈，不過加左茉莉茶、蜜糖、忌廉令整體味道香甜。賣相方面亦好吸引，原來係以畫作為靈感🤩整體而言，cocktail充滿質感，食物都唔錯，上菜速度仲好快。最後希望朋友去加拿大一切順利！