御品·千之味 (Eastmark)

營業中

休息中

今晚又要OT，心血來潮想食壽司，最後行左10分鐘去到Eastmark入面既千之味。千之味嘅晚市套餐好多選擇，除咗壽司之外，仲有烏冬、丼飯同定食。- 壽司手打烏冬套餐烏冬口感滑溜，湯底唔會太鹹，不過配料只有栗米，略嫌有少少dry。套餐仲有5件壽司，包括三文魚、白身魚、北寄貝、蟹子同芥辣八爪魚。另外加多$20有三件三文魚刺身，加埋都係$100以下🤩- 壽司餐（十件）壽司包括三文魚、油甘魚、白身魚、赤蝦、吞拿魚、蟹籽、熟蝦、玉子同鰻魚。壽司好大件，而且刺身新鮮，尤其係赤蝦同吞拿魚，前者蝦肉鮮甜，後者魚油甘香。呢個價錢真係幾抵食，值得一提Wasabi好辣。- 三文魚腩刺身比起上面既三文魚，三文魚腩口感嫰滑，而且肥美得多，果然一分錢一分貨😎我之前一直認同「平野無好野」，不過千之味真係好抵食，顛覆我一直以來嘅固有想法。