影片
更多
2013-08-12
221 瀏覽
我帶住工人同歲半BB一六食晏。入到去，見有位咪坐低囉，個侍應問我幾位，我答佢3位，佢即拍拍隔籬將枱叫我坐過去，心諗：咩態度呀！之後見度有個餐牌掛係牆度，我問佢係咪只有呢啲食，佢即時話呢啲冇得食，就行咗出去門口攞另一個牌楝係櫃頂，再同我講：「午餐係呢啲，你下次係出邊睇啱先入嚟叫，你知啦…攞個牌入嚟好辛苦呀！」我心諗：冇嘢呀！跟住問佢有冇餐飲話冇，要另叫，熱水2元，凍水3元。我叫了咸蛋肉餅及帶子蒸豆腐，肉餅唔記得落豉油同葱要後補，帶子得半粒，我問佢點解得咁少帶子，佢話帶子好貴，係得咁多，應該有兩個半粒…我同佢講搵唔到另外果半粒，佢就唔理我走咗去…啲食物味道都可以，但服務態度超差，收費與食物份量不成比例！更好食都背脊骨落啦！兩個人駛咗成90蚊食個午餐，呃錢！我唔係帶住工人同囝，我實鬧爆佢！真係火都嚟！題外話，食食吓有個疑似老板娘的阿婆帶住個孫走出嚟話：「今日閂門唔做啦！唔想做生意呀！」之後個伙記答佢：「你唔早啲講，啲阿姐返晒工，你話佢哋肯唔肯走吖！」跟著個阿婆接咗個電話：「要開工，唔得閒呀！你打長途俾我都冇用啦！係咪你俾錢先！」雖然實情唔知係乜，但就係覺得佢哋唔休做，巴之閉咁囉！
之後見度有個餐牌掛係牆度，我問佢係咪只有呢啲食，佢即時話呢啲冇得食，就行咗出去門口攞另一個牌楝係櫃頂，再同我講：「午餐係呢啲，你下次係出邊睇啱先入嚟叫，你知啦…攞個牌入嚟好辛苦呀！」我心諗：冇嘢呀！
跟住問佢有冇餐飲話冇，要另叫，熱水2元，凍水3元。
我叫了咸蛋肉餅及帶子蒸豆腐，肉餅唔記得落豉油同葱要後補，帶子得半粒，我問佢點解得咁少帶子，佢話帶子好貴，係得咁多，應該有兩個半粒…我同佢講搵唔到另外果半粒，佢就唔理我走咗去…
啲食物味道都可以，但服務態度超差，收費與食物份量不成比例！更好食都背脊骨落啦！兩個人駛咗成90蚊食個午餐，呃錢！
我唔係帶住工人同囝，我實鬧爆佢！真係火都嚟！
題外話，食食吓有個疑似老板娘的阿婆帶住個孫走出嚟話：「今日閂門唔做啦！唔想做生意呀！」之後個伙記答佢：「你唔早啲講，啲阿姐返晒工，你話佢哋肯唔肯走吖！」跟著個阿婆接咗個電話：「要開工，唔得閒呀！你打長途俾我都冇用啦！係咪你俾錢先！」雖然實情唔知係乜，但就係覺得佢哋唔休做，巴之閉咁囉！
張貼
