影片
更多
2024-07-29
671 瀏覽
早排睇D電視美食節目介紹D餐廳食巿，講哩間金翠，個女主持介紹份雜扒餐份量大到一個人根本食唔哂! 邊有可能咁大份呀! 擺明老吹啦! 唔信? 好! 即刻去踢館! 睇吓佢份雜扒係咪咁大份！拆佢招牌成唔成功!優點:1, 環境濃濃舊香港味!2, 無收加一.3, 冷氣都叫okay.4, 最滿意杯紅豆冰，唔太甜紅豆口感又夠綿，夾自己口味.5, 份雜扒要黑椒汁，黑椒汁有黑椒味之餘帶甜味，味道又唔會太鹹太辣，滿意!6, 白湯夠濃郁.缺點 :1, 首先點雜扒之餘，我地亦點咗個菠蘿油，菠蘿油成34蚊，果片牛油仲少過街邊麵包店十幾蚊嘅菠蘿油! 偷工減料得過份有相有真相!2, 預咗份雜扒質素低劣，結果不負眾望! 首先只有條腸叫做似樣，其他全部都唔合格! 雞扒明顯切走一半，雞皮又唔夠脆口，塊豬扒毫無 juicy 口感硬到好似鋸緊塊木板! 牛仔骨更加不知所謂! 又薄無肉只得肥膏! 大家樂D扒仲好過佢! 3, 拍片時係流心蛋，現實係 Hea 蛋! 求其搵間茶記炒隻蛋都好過佢十倍! 4, 塊煙肉同塊豬扒一樣咁硬! 柴口好感咬緊隻拖鞋！5, 個人喜歡鐵板餐跟三色豆，唔俾三色豆都算! 俾堆椰菜感覺好Hea!6, 薯條冧哂一
邊有可能咁大份呀! 擺明老吹啦!
唔信? 好! 即刻去踢館! 睇吓佢份雜扒係咪咁大份！拆佢招牌成唔成功!
優點:
1, 環境濃濃舊香港味!
2, 無收加一.
3, 冷氣都叫okay.
4, 最滿意杯紅豆冰，唔太甜紅豆口感又夠綿，夾自己口味.
5, 份雜扒要黑椒汁，黑椒汁有黑椒味之餘帶甜味，味道又唔會太鹹太辣，滿意!
6, 白湯夠濃郁.
缺點 :
1, 首先點雜扒之餘，我地亦點咗個菠蘿油，菠蘿油成34蚊，果片牛油仲少過街邊麵包店十幾蚊嘅菠蘿油! 偷工減料得過份有相有真相!
2, 預咗份雜扒質素低劣，結果不負眾望! 首先只有條腸叫做似樣，其他全部都唔合格! 雞扒明顯切走一半，雞皮又唔夠脆口，塊豬扒毫無 juicy 口感硬到好似鋸緊塊木板! 牛仔骨更加不知所謂! 又薄無肉只得肥膏! 大家樂D扒仲好過佢!
3, 拍片時係流心蛋，現實係 Hea 蛋! 求其搵間茶記炒隻蛋都好過佢十倍!
4, 塊煙肉同塊豬扒一樣咁硬! 柴口好感咬緊隻拖鞋！
5, 個人喜歡鐵板餐跟三色豆，唔俾三色豆都算! 俾堆椰菜感覺好Hea!
6, 薯條冧哂一D都唔脆! 死罪!
7, 餐前餐包仔唔熱.
今之拆招牌完全成功啦! 以前金翠嘅高質素已經蕩然無存! 吹到咁大份呃人同廖孖記有咩分別？下一步就留意吓社交平台嘅全港店舖執粒關注組，睇吓佢地幾時會見報.
偷工減料菠蘿油
9 瀏覽
0 讚好
0 留言
低質素鐵板雜扒
0 瀏覽
0 讚好
0 留言
豬扒又硬又唔Juicy
0 瀏覽
0 讚好
0 留言
雞扒皮唔脆，又明顯切走一半！
0 瀏覽
0 讚好
0 留言
流心蛋變hea蛋
0 瀏覽
0 讚好
0 留言
又薄又無肉全肥膏牛仔骨
8 瀏覽
0 讚好
0 留言
張貼
