令酒場 (已結業)

今日放工同好姊妹慶祝升職，就黎佐呢度，估唔到呢度裝修都幾好，好和風，兩姊妹係度談心岩晒呀！🦪日本生蠔生蠔好大隻，肉質好厚，口感豐富，亦都食到好鮮甜，鮮味十足，仲好飽滿，中意creamy口感既朋友一定唔可以錯過呀！🍢燒免治雞肉棒(月見)免治雞肉棒既口感無得頂，唔止有軟嫩既雞肉，仲有少少雞軟骨，所以食落會有少少爽脆，有層次既口感，月見汁就更提升雞肉棒既味道，蛋香十足，同醬油配合得好好，非常惹味香口！🐟椒鹽左口魚邊左口魚裙邊本身就油脂十足，用椒鹽既方法去煮絕對係逼晒啲魚油出黎，勁滑勁嫩，因為椒鹽而味道更香口，唔駛再點任何醬汁已經夠晒味道呀！🍡串燒串燒我地叫佐幾款，我最中意佢地既露筍豚肉卷同埋雞全翼，露筍豚肉卷既豚肉燒得岩岩熟，唔會過老，焦香得黎肉質仲係嫩既，露筍亦都係鮮嫩既，完全唔會有渣，仲有豚肉既油香包住，成個口感味道都係有層次既；另外雞全翼勁大隻勁肥嘟嘟，燒到皮脆肉嫩，好味到爆！