令酒場 (已結業)

今日又黎到呢度食飯，公司附近有呢間裝修咁日式既餐廳真係好正，夠晒氣氛呀！我地叫佐令海之幸太卷，係拖羅蓉卷物，拖羅蓉好綿密好新鮮，軟淋淋咁，配細細舊既飯卷黎食就岩晒，一啖入面充滿拖羅蓉，好滿足呀😚另外試佐自家製燒飯團，配有梅醬 ，明太子，溫泉蛋，飯團燒完表面完全焦脆，硬硬地脆脆地，但一咬開入面仲係軟綿既，口感勁好，點梅醬黎食就會甜甜地酸酸地，明太子嘅話就好咸香，溫泉蛋就更加滑身，三種唔同配搭🤪我地亦都叫埋池魚薄切，上枱果陣擺得好靚，原條池魚既肉切好曬咁擺好，池魚亦連埋頭插好係度，仲有啲整佐做花型添，池魚每塊厚薄好適中，肉質比較緊實，但亦好爽口，都有油香，味道都好鮮甜，係好高質既刺身呀😍