鰹烏冬 (已搬遷) 新店位置

朋友介紹，公司附近開咗間新舖，放飯一個鐘專登嚟試吓，聽負責人講烏冬係自家制，希望帶真正烏冬嚟香港。嘅然咁有熱誠，即管叫個據聞最現真彰嘅冷烏冬試吓先。個麵嚟到立立靚，望落有啲通透感，好似叫人快啲嚟食佢咁😆。夾一撮麵放入冷烏冬汁，入口一咬，嘩！真係好彈牙！好煙靭！同埋都好滑，個冷麵汁清清哋之餘有啲魚味（好似都係話自家制），但麵嘅海苔味就冇話好突出，唔知係咪店家專登嘞，我就覺得可以再突出啲就更好。總括嚟講，真係令我對烏冬原全改觀，都應該會再嚟，試吓佢啲有料（餸）烏冬😋