影片
更多
2020-11-12
48 瀏覽
有無一間餐廳嘅食物會令你時不時掛住？有無一間餐廳將你抗拒嘅食材煮得令你願意一口接一口食晒？ 之前同一班朋友聚會嚟過Taparoom ，之後時不時都掛住，本來以為掛住嘅係當時嘅氣氛，今次再食至知，掛住嘅原來係美食嘅味道💕 Lunch 時段都幾full, 建議book咗先好；Lunch menu 自選頭盤、主菜，跟餐有免費西班牙水果特飲，價錢由$108至168不等，收費合理。 午餐頭盤無棒棒鵝肝揀，所以我哋叫咗 #西班牙黑毛豬火腿蕃茄多士 ，多士酥脆非常香口，蕃茄醬調教得好好，唔會太酸搶過火腿香味。 另一頭盤係 #鮮甜凍蝦配蒜蓉蛋黃醬 ， 蛋黃醬好出色，蒜蓉能夠充份帶出凍蝦鮮甜味，酸甜開胃得嚟完全唔膩，就咁一啖淨食醬都覺得正。 朋友嘅主菜：#血橙燒牛柳沙律配脆麵包棒 ，賣相比想像中更fresh，見到滿滿嘅火箭菜，朋友原本有d卻步，因為佢係唔食火箭菜嘅，但食落口估唔到牛柳肉汁＋血燈汁配埋脆薄片同火箭菜嘅味道同口感竟然係咁夾，朋友開始食之後就無再嫌棄火箭菜，最後重食晒成碟。 我嘅主菜： #霹靂蜜糖烤法國黃油春雞配炸薯粒 ， 炸薯粒首先吸住咗我食慾，粒粒金黃色炸得外脆內軟，呢個配
之前同一班朋友聚會嚟過Taparoom ，之後時不時都掛住，本來以為掛住嘅係當時嘅氣氛，今次再食至知，掛住嘅原來係美食嘅味道💕
Lunch 時段都幾full, 建議book咗先好；Lunch menu 自選頭盤、主菜，跟餐有免費西班牙水果特飲，價錢由$108至168不等，收費合理。
午餐頭盤無棒棒鵝肝揀，所以我哋叫咗 #西班牙黑毛豬火腿蕃茄多士 ，多士酥脆非常香口，蕃茄醬調教得好好，唔會太酸搶過火腿香味。
另一頭盤係 #鮮甜凍蝦配蒜蓉蛋黃醬 ， 蛋黃醬好出色，蒜蓉能夠充份帶出凍蝦鮮甜味，酸甜開胃得嚟完全唔膩，就咁一啖淨食醬都覺得正。
朋友嘅主菜：#血橙燒牛柳沙律配脆麵包棒 ，賣相比想像中更fresh，見到滿滿嘅火箭菜，朋友原本有d卻步，因為佢係唔食火箭菜嘅，但食落口估唔到牛柳肉汁＋血燈汁配埋脆薄片同火箭菜嘅味道同口感竟然係咁夾，朋友開始食之後就無再嫌棄火箭菜，最後重食晒成碟。
我嘅主菜： #霹靂蜜糖烤法國黃油春雞配炸薯粒 ， 炸薯粒首先吸住咗我食慾，粒粒金黃色炸得外脆內軟，呢個配菜再多一倍都食得晒；黃油春雞雖然經過烤焗，但肉質依然幼嫩，外皮有甜甜蜜糖焦香，醬汁味道非常有層次，絕非一般燒烤醬，能品嘗到洋蔥香味，好正！
完美午餐一定要order埋完美甜品，是日甜品係 # 玉桂條配朱古力醬 ，玉桂條一上枱就嗅到濃濃玉桂味，而且因為新鮮炸起所以外脆內暖，配埋朱古力醬，個份幸福感100分❤️❤️❤️我一定會時時來訪呢間用心餐廳。
西班牙黑毛豬火腿蕃茄多士
2 瀏覽
0 讚好
0 留言
鮮甜凍蝦配蒜蓉蛋黃醬
2 瀏覽
0 讚好
0 留言
霹靂蜜糖烤法國黃油春雞配炸薯粒
4 瀏覽
0 讚好
0 留言
血橙燒牛柳沙律配脆麵包棒
1 瀏覽
0 讚好
0 留言
玉桂條配朱古力醬
3 瀏覽
0 讚好
0 留言
張貼
