御滿屋日本料理

營業中

休息中

今日出左荃灣買野，夜晚又一次去左御滿屋食放題。我覺得佢地啲水準真係越來越好，刺身溶雪處理得十分之好，所以食起上嚟軟滑無雪味。溫度唔會因為溶雪時間而令刺身太凍或者唔凍，入口啱啱好。除左刺身之外，佢嘅熟食真係唔錯。佢個泰式鮑魚真係好得，酸酸辣辣咁，同彈牙腍滑嘅鮑魚十分之夾。燒牛舌亦都十分次好味，牛味香濃，叫左幾round都燒得啱啱好，唔會韌亦唔會過老，調味亦十分之適合。呢度飲品選擇亦十分之多，清酒、紅酒、咖啡、汽水同啤酒，就連最大熱嘅發光可樂都有，絕對滿足到唔同朋友嘅需要。甜品選擇亦都十分之多，蛋糕、千層酥、布丁同雪糕等都齊備。最適合一班朋友嚟聚餐，又或者帶埋小朋友嚟食都一樣方便。