北方餃子源 (水街)

營業中

休息中

系學校上完堂特登同Fd兩個人落黎西環水街食野，因為想食中式野，於是就揀左依間餃子源。依間鋪頭店面睇落細左少少，不過都幾多人黎食，感覺應該唔錯。坐低之後，我地分別叫左鮮肉白菜餃麵餐同京蔥羊肉餃麵餐。等左冇耐，麵就黎左。先講賣相，麵睇落幾大碗，而餃子就相當大粒，而且外形唔錯；而餃子食落好新鮮多汁，白菜餃咬落有白菜既清爽口感同豐富既湯汁，羊肉餃就有單啖啖肉汁同羊肉既鮮味，兩者都十分唔錯。而麵系粗面，麵質較粘，而且飽肚；湯汁則相當鮮甜。整體黎講兩碗面都相當唔錯，食完飲番碗鮮豆漿更令人滿足！下次有機會實會黎試試其他好野！