影片
更多
2022-09-21
27 瀏覽
「雞蛋六隻，糖呢兩茶匙，仲有啲橙皮添」呢句廣告line細個聽得多，但其實太係煮緊咩可能得寫呢段對白嗰位仁兄先知。但影食物嘅不敗recipe 一定只有一個，就係係捉緊好天氣與自然光。每次從上環東街拾級而上，步代都零舍緩慢，而每次經過都會見到 @東街咖啡 門前嘅可愛lego小枱子，任砌任疊。閒日時橫街窄巷獨有嘅恬靜，配合當日清爽微風，坐喺門邊工作邊悠閒地渡過一整個下午。餓餓子推薦必食佢嘅手工意粉，四款平分秋色，值得慢慢試晒。當日捉得住「限量嘅尾巴」，食到最後一碟Pappardelle With Neapolitan Ragu，老闆從傳統Neapolitan食譜中不停鑽研出最balance嘅組合，食過就知不負王牌之名，極度建議趁熱食。咖啡係老闆嘅信心之作 —— 哥斯達黎加 Canet莊園Musician Series 當中嘅Chopin。半飽下心思思，加上老闆大大力推介，Mocha Affogato與Hojicha Latta 成為神來之筆，用上澳洲豆奶與点都丸久小山園焙茶，茶感平實，係健康嘅味道！而Mocha Affogato……holy damn！係極緻完美嘅句點。𝘿𝙞𝙨𝙝𝙚𝙨 𝙤𝙛 𝙩
「雞蛋六隻，糖呢兩茶匙，仲有啲橙皮添」
呢句廣告line細個聽得多，但其實太係煮緊咩可能得寫呢段對白嗰位仁兄先知。但影食物嘅不敗recipe 一定只有一個，就係係捉緊好天氣與自然光。
每次從上環東街拾級而上，步代都零舍緩慢，而每次經過都會見到 @東街咖啡 門前嘅可愛lego小枱子，任砌任疊。閒日時橫街窄巷獨有嘅恬靜，配合當日清爽微風，坐喺門邊工作邊悠閒地渡過一整個下午。
餓餓子推薦必食佢嘅手工意粉，四款平分秋色，值得慢慢試晒。當日捉得住「限量嘅尾巴」，食到最後一碟Pappardelle With Neapolitan Ragu，老闆從傳統Neapolitan食譜中不停鑽研出最balance嘅組合，食過就知不負王牌之名，極度建議趁熱食。咖啡係老闆嘅信心之作 —— 哥斯達黎加 Canet莊園Musician Series 當中嘅Chopin。
半飽下心思思，加上老闆大大力推介，Mocha Affogato與Hojicha Latta 成為神來之筆，用上澳洲豆奶與点都丸久小山園焙茶，茶感平實，係健康嘅味道！而Mocha Affogato……holy damn！係極緻完美嘅句點。
𝘿𝙞𝙨𝙝𝙚𝙨 𝙤𝙛 𝙩𝙝𝙚 𝙙𝙖𝙮
/ 拿玻里燉牛肉新鮮手工絲帶闊麵每日都係限量製作，老闆大力推介之一嘅招牌菜。手工製嘅Pappardelle老闆每條都keep到一貫嘅嘅厚薄度都唔算單。用咗日本蛋製作都值得加分，雖然食落未食到蛋香（完全被濃厚嘅Ragu汁搶咗風頭），雖然唔係走彈牙煙韌嘅路線（想要呢個口感建議試佢個連蕃茄嘅闊條麵）掛汁同樣都值得欣賞，另外份量好飽足，CP值高！超級推介！
/ 手沖咖啡係嚟自哥斯達黎加 Canet莊園音樂系列中嘅Chopin，熱飲啡香突出順滑入喉，但相對熱飲個人更鍾意冷卻後嘅酸度與豐盈突出嘅果香及酒感。另外好欣賞老闆成個presenrtation，有凍同熱兩種體驗畀到食客，
/ 焙茶latte，選用嘅係澳洲豆奶，老闆表示成本貴成倍不過個豆香更突出。當然唔係得個講字，試過又真係明，冇豆腥又唔會搶去焙茶嘅茶感，入口仲感覺比牛奶健康，素食者都啱。
/ Mocha Affogato 係食得好驚喜又開心嘅甜店無誤！特別係如果你鍾意飲啡係真心返唔到轉頭，個Mocha同雪糕超級夾！奶香突出！
張貼
