影片
更多
2019-04-30
114 瀏覽
呢一間《拾號公社》位於屯門新墟「巴倫紐戲院」同埋「一田」中間嘅一條小巷。 驟眼看以為冇咩特別， 其實呢一間係一間提供咗特色啤酒嘅小酒吧。餐廳設有戶外座位， 就算係帶狗狗出嚟散步， 都可以嚟飲番杯,， 寫意不過。我就最鍾意佢呢度嘅上層閣樓座位， 大大嘅玻璃窗望住七彩繽紛嘅霓虹光管， 非常有feel。呢間酒吧提供咗各式各樣嘅手工啤酒， 仲有好多嘅限定口味， 保證有驚喜。好似呢支花露水小麥啤， 夠曬gimmick， 另外仲有好多種類嘅港產手工啤酒， 包括麥子，Lion Rock， 門神， 少爺等等。 每個品牌嘅手工啤酒都推出咗限定嘅口味， 要試曬咁多款啤酒， 真係要分開好幾次來幫襯至得。今次facebook打卡, share 有500 ml嘅hoegaarden送。Hoegaarden 可以話係最大眾嘅啤酒， 入口唔苦， 又有花香味， 清新又refreshing。呢度除咗係酒吧之外， 仲係一間質素相當好嘅西餐廳。 誠意推薦呢度嘅黃金流沙， 呢度嘅黃金薯條可謂數一數二， 溶化嘅鹹蛋黃包裹著每根薯條， 厚切嘅薯條仍能保持香脆， 流沙入口即溶， 帶有鹹蛋黃嘅甘香又唔會過鹹。 二黃金單骨雞翼食起來也
餐廳設有戶外座位， 就算係帶狗狗出嚟散步， 都可以嚟飲番杯,， 寫意不過。
我就最鍾意佢呢度嘅上層閣樓座位， 大大嘅玻璃窗望住七彩繽紛嘅霓虹光管， 非常有feel。
呢間酒吧提供咗各式各樣嘅手工啤酒， 仲有好多嘅限定口味， 保證有驚喜。
好似呢支花露水小麥啤， 夠曬gimmick， 另外仲有好多種類嘅港產手工啤酒， 包括麥子，Lion Rock， 門神， 少爺等等。 每個品牌嘅手工啤酒都推出咗限定嘅口味， 要試曬咁多款啤酒， 真係要分開好幾次來幫襯至得。
今次facebook打卡, share 有500 ml嘅hoegaarden送。Hoegaarden 可以話係最大眾嘅啤酒， 入口唔苦， 又有花香味， 清新又refreshing。
呢度除咗係酒吧之外， 仲係一間質素相當好嘅西餐廳。 誠意推薦呢度嘅黃金流沙， 呢度嘅黃金薯條可謂數一數二， 溶化嘅鹹蛋黃包裹著每根薯條， 厚切嘅薯條仍能保持香脆， 流沙入口即溶， 帶有鹹蛋黃嘅甘香又唔會過鹹。 二黃金單骨雞翼食起來也相當方便， 兩款黃金流沙系列用黎佐酒就最適合不過， 啤酒減低咗薯條嗰份油膩感， 大家一定要試下呢一款咁創新嘅配搭。
德國腸仔拼盤同啤酒又係另一個絕配， 呢一款德國腸拼盤有直布羅陀雞肉腸， 法蘭克福腸， 紐倫堡腸， 香草腸同埋車打芝士腸。 每款香腸都各有特色， 車打芝士腸外皮夠脆， 入口爆芝。 紐倫堡腸肉味香濃， 香草腸香草味突出， 配埋啤酒， 感覺就似去咗德國啤酒節。
呢一間咁有誠意嘅酒吧餐廳， 有齊咁多款特別嘅手工啤酒飲， 總有一款啱你口味， 大家不妨來試下。
張貼
