影片
更多
2021-03-22
82 瀏覽
令人身心放鬆嘅綠色世外休閒咖啡廳☘️～～～星期六就係放鬆身心嘅時候 尤其是係今個星期工作上有好多嘢 令到成個人心情都唔係咁好 難得捱到星期六 就一早起身出嚟散下心～～～呢一間喺高街嘅coffee shop 每次黎總能令我心情感到平靜 淡綠色嘅草原風裝修 令人有如置身於大自然一樣 加上高街呢一頭附近 本身就冇咩車 感覺份外寧靜 有種小型世外桃園的感覺～～～首先叫咗一杯之前未飲過嘅Iced ling black 檸茶🍋飲得多 檸檬咖啡真係第一次飲 估唔到又幾夾 佢哋嘅檸檬唔係普通嘅切片檸檬 而係經過佢哋自家醃製過 香香甜甜嘅清新檸味 將咖啡嘅啡味進一步逼出 醒神又清新～～～雖然佢哋嘅齋啡唔錯 但係由於真係好鍾意飲有奶嘅咖啡 所以試完新野之後 又另外叫咗一杯Dirty 濃濃嘅奶味 入口盡是幼滑 咖啡味亦突出 好正 沖得好好飲 難怪見咁多外國人入嚟買咖啡☕～～～未食早餐嘅我 又叫咗一份Classic porchetta and cheese panini 呢一款意式夾餅裏面有Porchetta ham 同 mozzarella cheese 前者唔會好鹹 後者都係清清地唔會好鹹嘅芝士 加埋脆卜卜
～～～
星期六就係放鬆身心嘅時候 尤其是係今個星期工作上有好多嘢 令到成個人心情都唔係咁好 難得捱到星期六 就一早起身出嚟散下心
～～～
呢一間喺高街嘅coffee shop 每次黎總能令我心情感到平靜 淡綠色嘅草原風裝修 令人有如置身於大自然一樣 加上高街呢一頭附近 本身就冇咩車 感覺份外寧靜 有種小型世外桃園的感覺
～～～
首先叫咗一杯之前未飲過嘅Iced ling black 檸茶🍋飲得多 檸檬咖啡真係第一次飲 估唔到又幾夾 佢哋嘅檸檬唔係普通嘅切片檸檬 而係經過佢哋自家醃製過 香香甜甜嘅清新檸味 將咖啡嘅啡味進一步逼出 醒神又清新
～～～
雖然佢哋嘅齋啡唔錯 但係由於真係好鍾意飲有奶嘅咖啡 所以試完新野之後 又另外叫咗一杯Dirty 濃濃嘅奶味 入口盡是幼滑 咖啡味亦突出 好正 沖得好好飲 難怪見咁多外國人入嚟買咖啡☕
～～～
未食早餐嘅我 又叫咗一份Classic porchetta and cheese panini 呢一款意式夾餅裏面有Porchetta ham 同 mozzarella cheese 前者唔會好鹹 後者都係清清地唔會好鹹嘅芝士 加埋脆卜卜嘅夾餅 作為一個早餐唔會過於濃味 食落舒服得來又好食 配搭咖啡一流
～～～
熱愛甜品嘅我 當然有留到少少空間食佢哋嘅homemade brownie啦 brownie嘅朱古力味整得極之濃郁 但係濃得黎 又唔會好苦 加上少少海鹽做調味 食晒成塊都唔會覺得好膩口 味道調配得好好🧂
～～～
Coffeelin (西環)
西環西營盤高街99號地下3號舖
推薦度：🔥🔥🔥🔥🔥🔥🔥🔥
張貼
