影片
更多
2015-09-13
4324 瀏覽
見到有呢間餐廳開戈陣已經想嚟架喇! 奈何唔想等位唯有下次有機會先! 而今次真係諗唔到喺銅鑼灣食乜好，所以先咁有決心等位! 好彩都算快，又有得坐住等，等咗半個鐘左右就入得喇!呢度嘅裝飾擺設完全令我非常掛住Vegas讀書嘅時光! Las Vegas Boulevard路牌、Welcome Las Vegas 牌變咗 Welcome Little Vegas，竟然仲有 Go Rebels!? 真係懷疑老細係咪同我同校! 懷念完就講返食物啦...揀咗從未試過嘅玫瑰雞翼、黑松露芝士長通粉、芝士卷、脆炸薯角。飲品方面：秘密花園水果茶、凍烤榛子朱古力...玫瑰雞翼 - 第一次食有玫瑰味嘅雞翼，甜甜地嘅蜜糖帶有玫瑰香味，脆炸過後非常香口，入面嘅肉都好夠味，好食到唔停得口。芝士卷 - 唔記得係咪叫芝士卷，不過入面溶咗嘅芝士十分香軟，直頭漏出嚟，芝士控不能錯過!脆炸薯角 - 我哋唔知芝士卷都有薯角，所以叫多咗，新鮮炸出嘅薯角較乾身，完全唔覺得油膩熱氣，每條入面都有厚厚嘅薯蓉。黑松露磨菇長通粉 - 一放上枱已經覺得有好香嘅黑松露味，醬汁味道十分香濃但唔覺膩，每條長通粉都沾上醬汁，而且煙煙韌韌，唔會過稔過
呢度嘅裝飾擺設完全令我非常掛住Vegas讀書嘅時光! Las Vegas Boulevard路牌、Welcome Las Vegas 牌變咗 Welcome Little Vegas，竟然仲有 Go Rebels!? 真係懷疑老細係咪同我同校!
懷念完就講返食物啦...揀咗從未試過嘅玫瑰雞翼、黑松露芝士長通粉、芝士卷、脆炸薯角。飲品方面：秘密花園水果茶、凍烤榛子朱古力...
玫瑰雞翼 - 第一次食有玫瑰味嘅雞翼，甜甜地嘅蜜糖帶有玫瑰香味，脆炸過後非常香口，入面嘅肉都好夠味，好食到唔停得口。
芝士卷 - 唔記得係咪叫芝士卷，不過入面溶咗嘅芝士十分香軟，直頭漏出嚟，芝士控不能錯過!
脆炸薯角 - 我哋唔知芝士卷都有薯角，所以叫多咗，新鮮炸出嘅薯角較乾身，完全唔覺得油膩熱氣，每條入面都有厚厚嘅薯蓉。
黑松露磨菇長通粉 - 一放上枱已經覺得有好香嘅黑松露味，醬汁味道十分香濃但唔覺膩，每條長通粉都沾上醬汁，而且煙煙韌韌，唔會過稔過硬，又係好食到停唔到口!
烤榛子朱古力 - 朱古力味濃，榛子味道唔太出，整體有d過甜。
秘密花園水果茶 - 好大杯，適合兩個人飲，味道清新，不過果味唔算突出。總括嚟講樣樣食物都好好食，因為只係lunch，所以叫唔到太多野試，不過咁先有下次架ma!
張貼
