名寶石餐廳

營業中

休息中

一個悠閒嘅星期日，走入左名寶石餐廳。聽講已經有幾十年歷史，係一間舊式扒房。餐廳入面侍應都著住整齊西裝，臉上掛住招牌笑容。即刻有少少時光倒流感覺，諗起細個一家人去扒房嘅回憶。今次去到三點鐘，下午茶時間餐廳都好多人。我地一行4個人叫左四個餐：咖哩三文魚飯，因為太餓食左，所以冇影到相。好味，三文魚好香口，咖哩調配得好好。黑椒牛仔骨，好味！鵝肝牛柳焗天使麵，味道冇鵝肝味，一般般。之後叫左個蒜香白汁蜆肉焗意粉，好足料，不過意粉太淋。味道都不錯，不過食feel都抵啦！聽講晚餐牛扒唔錯，下次一定再試試。