深宵食堂 (已結業)

呢晚嚟到「深宵食堂」銅鑼灣店 聽老闆講 佢嘅尖沙咀分店將快營業！呢度麻雀雖小 五臟俱全 佈置同擺設都幾有屋企feel... 小妹和友人一共五人 食完一round又一round...前菜係胡麻番茄 鮮甜嘅厚切番茄上面淋咗食日式沙律會用嘅芝麻醬 仲有新鮮嘅生菜墊底最令大家著迷嘅係芝麻雞翼 前後點咗四客！一碟三件 每件由雞中翼同雞尖組成 先炸香 再落芝麻... 係茶餐廳嗰種炸 所以唔會話炸粉好厚肉好少小妹第一次食秋葵 驟眼睇有啲似勝瓜... 咬落去滑潺潺 有一pat黏液 好得意 XD 面頭落咗五香粉之類的調味料 鹹鹹地 好味道！炸物方面有吉列大蝦 吉列蠔 等等... 小妹最愛係呢味芝士蝦球 因為芝士同蝦都係小妹嘅心頭好～～～每粒咬開就有芝士流出嚟 好有彈性！主食方面 小妹自己點咗一人份量嘅手打烏冬 配料有麻辣牛脷同海帶 可能係日本風味啦 都無想像中太辣 細細碗 方便你品嚐其他美食～～～之後有好特別嘅川式茄子 佢同中國四川嗰隻魚香茄子唔一樣 佢係成條掰開成一塊 灑滿七味粉再烤 所以每啖都好惹味！亦保留咗茄子原有嘅texture呢個係以煙肉包著蠔烤成嘅串燒 老闆提我哋要趁熱食 否則好快出腥味..