another hound café

營業中

休息中

今晚去 The Southside 的another grey hound 晚飯。第一個餸係「泰式炆豬手」，外貌十分之靚，係屬於大豬手，多肉，已經起骨，燘得十分之腍，味道亦OK，但食落嘅時候發現係豬手只是「微暖」的。只好叫侍應幫我哋返熱。第二個餸係「泰式冬陰功」，正常嘅味道，但係只係得一隻大蝦。蝦殼係有黑色嘅，相信唔係太新鮮。湯只是微暖。第三個餸係「鐵板肉眼扒」，落單嘅時候特別寫明medium，上枱嘅時候係全熟。第四個餸係「牛肉牛丸火鍋麵」，燒用完第一兜．”燃燒啫喱”, 個湯都仲未滾，牛肉都仲係生嘅。只好叫侍應幫我哋換過另一兜燃燒啫喱，燒完第二兜燃燒啫喱，啲牛肉先係八成熟。成個湯根本未滾過。食越南生牛河，啲熱湯係可以浸熟個牛肉，呢個湯燒咗兩兜燃燒啫喱，都只係暖……啲牛肉浸極都未熟，已經韌晒….整體感覺一般