荷華庭園景餐廳 (已易手) 新餐廳

母親節同一家人特意來到荷華庭餐廳，一開始見到户外園景覺得好有特色，一間間小木屋仔好有異國風情，可惜，該日陽光猛烈，唯有移步室內。原來，園景餐廳只係園景靚，入面係冇乜特別既。都算喇，香港地有個地方hea下都好難得。但係！平平無奇既室內環境同處處都有埋伏既食物體驗形成強大對比，喂，真係好得意呀！！先講食物質素，肉眼扒盛惠238蚊，我諗隻牛同淪為惠康48蚊既脂肪牛應該係親戚，無論賣相同味道都有幾份相似。不得不佩服既係隻牛應該去過西佰利亞，一陣陣雪味令我肅然起敬。龍蝦意粉真係老少咸宜，一定係用咗健康淡味豉油黎炒。究竟我食緊既係糊仔定意粉，我已經分唔清，我淨係知冇帶假牙食都冇問題。最值得人關注既係我懷疑老闆逼員工母親節返工，一位位西面孝子恨不得客人快啲離開，等佢地可以早啲返屋企慶祝。上天亦喺今日埋下小小考驗比我家人。我地應該點扶持當大家都就食完而叫咗豬手都仲未黎既哥哥呢？好不容易，終於見到侍應攞住碟豬手出黎，場邊好似突然響起金像獎即將宣布景帝既鼓聲，亦都係我聽到過最長既鼓聲。侍應一直攞住同一碟豬手徘徊全場，加深劇情既張力，最後check埋機都未搵到張枱，當我地舉手示意我地嗰枱爭一碟豬手時，佢選擇