影片
更多
2022-04-28
41 瀏覽
難得開返晚市堂食，就諗住約班fd食餐好打個邊爐。一入座就同我地講需要$28/位既醬油費，明明全部調味料都同其他任食打邊爐餐廳提供既一樣，都係豉油、蒜蓉、蔥呢啲，你要唔要呢啲調味料都會計埋數。跟住想order叫野食，叫咗15分鐘都無人嚟，全場好似得2-3個人做野，有啲明明對到眼見到我地舉手，又走咗去，等咗3個字終於落到單。食物方面，我地叫咗個4人套餐，有炸物小食、刺身拼盤、海鮮拼盤、豬肉同牛肉，仲可以出面夾唔同既菜、菇、其他丸類同薯粉。湯底就叫咗豬骨湯同麻辣湯，麻辣湯味道唔差，但係個養顏豬骨湯就無乜味。刺身拼盤都唔錯，唔會有唔新鮮、腥臭既味，但個三文魚幾嚿都有筋，幾影響口感。其他丸類、肉類都無咩特別，普普通通，但個小食油炸鬼墨魚滑幾有驚喜，都幾好食。食到咁上下都口渴，普通茶水需要收返$7/位，我地就叫咗柚子蜂蜜梳打，但味道只係溝咗啲好奇怪既啫喱既梳打水，寧願飲返普通既梳打水好過，佢有啲應該係蒟蒻定寒天之類既野可以咬吓食吓，但呢pat唔知咩既啫喱口感好奇怪。全餐飯每次舉手叫人都要等5-10分鐘先有人肯過嚟幫手加吓湯、落order，最快手就係問last order, 同要人找數，最後每人差唔
一入座就同我地講需要$28/位既醬油費，明明全部調味料都同其他任食打邊爐餐廳提供既一樣，都係豉油、蒜蓉、蔥呢啲，你要唔要呢啲調味料都會計埋數。
跟住想order叫野食，叫咗15分鐘都無人嚟，全場好似得2-3個人做野，有啲明明對到眼見到我地舉手，又走咗去，等咗3個字終於落到單。
食物方面，我地叫咗個4人套餐，有炸物小食、刺身拼盤、海鮮拼盤、豬肉同牛肉，仲可以出面夾唔同既菜、菇、其他丸類同薯粉。湯底就叫咗豬骨湯同麻辣湯，麻辣湯味道唔差，但係個養顏豬骨湯就無乜味。
刺身拼盤都唔錯，唔會有唔新鮮、腥臭既味，但個三文魚幾嚿都有筋，幾影響口感。
其他丸類、肉類都無咩特別，普普通通，但個小食油炸鬼墨魚滑幾有驚喜，都幾好食。
食到咁上下都口渴，普通茶水需要收返$7/位，我地就叫咗柚子蜂蜜梳打，但味道只係溝咗啲好奇怪既啫喱既梳打水，寧願飲返普通既梳打水好過，佢有啲應該係蒟蒻定寒天之類既野可以咬吓食吓，但呢pat唔知咩既啫喱口感好奇怪。
全餐飯每次舉手叫人都要等5-10分鐘先有人肯過嚟幫手加吓湯、落order，最快手就係問last order, 同要人找數，最後每人差唔多食咗$500。唔係話覺得呢餐食得貴定唔貴，而係呢個價位，呢個咁普通既食物質素，呢個咁冷淡既服務態度，真係出面大把選擇。
張貼