心怡甜品

營業中

休息中

見到呢間甜品嘅評價大部份都唔錯，賣相亦都好吸引。雖然而家疫情唔可以堂食，叫個外賣係屋企試吓啦！都有心理準備預咗外賣嘅賣相一定唔會好似堂食咁吸引，所以我都唔就佢嘅賣相而評價。但令我失望嘅係甜品嘅味道同份量。叫咗兩個甜品，一個係薑汁小丸子芋圓，另一個係紅棗雪耳燉桃膠。薑汁小丸子芋圓$36，薑味偏淡，得6粒兩色芋圓。紅棗雪耳燉桃膠$50，好大一舊雪耳，佔咗個碗8成空間，加上兩粒紅棗，所以桃膠份量相對好少。雪耳口感偏硬，只有糖水甜味，冇乜紅棗香味，估計應該係普通煲出嚟嘅糖水，而唔係「燉」。不會再光顧了。