爺爺雞飯 (金百利中心) (已結業)

開咗成日會，終於放工啦！大家都肚餓了，同事推介去食爺爺雞飯，餐廳位於銅鑼灣金百利中心7樓，主打東南亞菜式，抵食又好味，而家使用 OpenRice Pay 重有優惠！爺爺雞飯拼新加玻喇沙海南雞採用三黃雞，雞肉質感嫩滑、皮脆骨軟、脂肪豐滿、雞味濃郁。雞隻經過獨門方法泡製，雞肉份外嫩滑、雞皮更爽脆。海南雞已經去骨，啖啖肉甚美味，油飯是用以斑蘭、香茅、雞湯等蒸煮而成，飯粒粒分明又夠香。配撘海南雞的三種醬，味道更俱特式！新加坡喇沙濃郁的湯頭，搭配油豆腐、豆芽菜、蛋、鮮蝦及魚片為配料，即成為一碗兼具甜鹹適中，且帶微辣的濃郁的南洋味湯麵。香茅豬扒煎蛋蔥油飯配肉骨茶，煎得甘香嘅豬扒配埋隻流黃嘅煎蛋，再加上惹味嘅蔥油，稱得上係黃金鐵三角，滋味無比！肉骨茶湯底以甘草、當歸、 玉竹、南棗等與新鮮豬肉熬製 而成，湯汁全是藥材精華，可祛濕補氣。另外加入原個蒜頭令湯更香甜，味道香濃，更具殺菌功用。食材加有冬菇、金菇、腐竹、豆卜及豬肋骨排。配上油條，美味可口！