NUTTEA (葵涌廣場) (已結業)

香港嘅茶飲店越開越多，而我最常光顧嘅就係全素茶飲店Nuttea，主打堅果奶蓋茶飲🌰，素食或乳糖不耐症嘅人士都啱飲，飲落都冇咁大負擔。經過葵廣見到開咗分店，就叫2杯當下午茶🤤-繽紛火龍果奶蓋茶今次第一次叫那款繽紛火龍果奶蓋茶，粉紅色咁好繽紛就咁睇已經好開胃好吸引。我叫嘅係走甜，但係裏面已經飲得出有火龍果嘅清甜味，好天然好清新。面頭嘅堅果奶蓋堅果味濃郁，同清甜嘅火龍果汁有幾夾喎，而且火龍果有豐富嘅膳食纖維幾健康👍🏻-伯爵朱古力堅果奶蓋茶呢款我之前已經叫過幾次，證明我真係幾鍾意，不愧係佢哋嘅主打推介飲品。茶底係清新嘅伯爵茶唔會太淡，奶蓋就係朱古力味嘅灑上堅果碎，朱古力味同伯爵茶味兩者好配合，好似食緊一款甜品咁，非常推薦😍