蟹點

營業中

休息中

Item: 蟹點
Rating: 0
Author: pikapika2018

4.5

310 食評

味道

環境

服務

衛生

抵食

5528

鴨脷洲

$201-400

粵菜 (廣東) 泰國菜中菜館

279

pikapika2018

等級2

原來有地鐵去海怡半島係咁方便! 🥹朋友住係海怡半島, 以前覺得好遠, 個日終於放工由旺角出發過去探下佢, 唔使半個鐘就到~ 見我咁有誠意, 佢話請我食好野🤣🤣~地鐵站A出口, 一出望向右邊就見到咁話。果然, 一下子就望到蟹點, 行過去4,5分鐘左右~入到去, 侍應姐姐好有禮貌咁問我地想坐室內定室外, 當日都有D涼, 我又岩岩病好, 咁就揀左室內啦~ 叫得蟹點, 我相信蟹🦀係佢地既主打~門口一入左手邊就有個大魚缸, 有龍蝦, 蟹, 魚,大鮑魚都有~隻隻都好生猛又大隻~ 諗起一陣有隻大蟹係屬於我既都好興奮🤤🤤。坐底左之後發現原來泰菜都係佢地主打~ 不過我個日就比較想食中式野,最糾結係佢地既蟹都有勁多煮法, 例如泰式咖哩, 招牌白胡椒, 避風塘咁樣, 而我地最後點左薑蔥炒大蟹🦀。另外再叫左豉油王鵝腸, 鐵板干鍋胡椒焗粉腸同埋瑤柱栗米魚肚羹~見我地有叫蟹, 餐廳都好窩心咁準備左一次性圍裙手套同夾蟹鉗工具俾我地~首先出場既係豉油王鵝腸, 份量都算多, 條條鵝腸都又粗又長, 最緊要佢洗得好乾淨咁~加埋D蔥既顏色, 睇到都覺得好好味🤤~ 只要有鵝腸點既地方, 我幾乎都會叫, 試過咁多間, 蟹點既鵝

原來有地鐵去海怡半島係咁方便! 🥹朋友住係海怡半島, 以前覺得好遠, 個日終於放工由旺角出發過去探下佢, 唔使半個鐘就到~ 見我咁有誠意, 佢話請我食好野🤣🤣~地鐵站A出口, 一出望向右邊就見到咁話。果然, 一下子就望到蟹點, 行過去4,5分鐘左右~

6 瀏覽

0 讚好

0 留言

入到去, 侍應姐姐好有禮貌咁問我地想坐室內定室外, 當日都有D涼, 我又岩岩病好, 咁就揀左室內啦~ 叫得蟹點, 我相信蟹🦀係佢地既主打~門口一入左手邊就有個大魚缸, 有龍蝦, 蟹, 魚,大鮑魚都有~隻隻都好生猛又大隻~ 諗起一陣有隻大蟹係屬於我既都好興奮🤤🤤。坐底左之後發現原來泰菜都係佢地主打~ 不過我個日就比較想食中式野,最糾結係佢地既蟹都有勁多煮法, 例如泰式咖哩, 招牌白胡椒, 避風塘咁樣, 而我地最後點左薑蔥炒大蟹🦀。另外再叫左豉油王鵝腸, 鐵板干鍋胡椒焗粉腸同埋瑤柱栗米魚肚羹~見我地有叫蟹, 餐廳都好窩心咁準備左一次性圍裙手套同夾蟹鉗工具俾我地~

17 瀏覽

0 讚好

0 留言

首先出場既係豉油王鵝腸, 份量都算多, 條條鵝腸都又粗又長, 最緊要佢洗得好乾淨咁~加埋D蔥既顏色, 睇到都覺得好好味🤤~ 只要有鵝腸點既地方, 我幾乎都會叫, 試過咁多間, 蟹點既鵝腸係值得一試既, 個汁既味道岩岩好, 又香又夠味唔會太咸~

之後鐵板干鍋胡椒焗粉腸同瑤柱栗米魚肚羹都黎啦~ 個鐵板干鍋, 侍應姐姐一拎近我地張枱,我地就聽到嗞嗞聲, 個鐵板好夠熱喎~粉腸食落都好夠胡椒味~瑤柱栗米魚肚羹係出奇地勁足料, 魚肚又多, 唔知係唔係有瑤柱既關係, 個湯真係好鮮甜~

最後壓軸出場既就係我地隻大蟹🦀啦! 好遠我地已經見到侍應姐姐拎住佢, 望住佢愈行愈近,D嗞嗞聲都愈來愈大聲, 哇！哇！哇！真係好大隻蟹呀! 佢個蟹鉗有我手掌咁大~如果我瘦D,我相信個蟹蓋會大過我塊面~拿拿聲試下, 好開心隻蟹真係好肥好新鮮, D肉係彈牙既~ 又炒得好香, 火喉又岩岩好, D肉唔會痴殼~真係食得好開心🤣🤣。