木子甜品

營業中

休息中

木子既選擇其實相當多，飲品同甜品好多。叫左個木子一號，有仙草，白玉，芋泥波，芋圓。仙草夠動感，好滑，幾好食，白玉超軟糯，煙韌，我鐘意，芋泥波夠香，有芋頭味唔錯，芋圓就一般，差左芋頭既香。白玉真心係好食，軟糯又煙韌！黃豆粉蕨餅，味道同質感都好好，$29 一份，不過佢份量唔算多。呢個其實係黑白，但我將個雪糕轉左抹茶味，所以就變成黑綠🤣🤣黑糯米球既味道比較差，有苦味，紅豆亦唔太得，比較硬，唔夠淋。抹茶雪糕就唔錯，帶有輕微冰感。本身對個香芋牛乳沙冰都好有興趣，但基於已經飽，所以無叫到，下次先除左個黑白比較有進步空間之外，其他叫既野都幾滿意。