DK Cuppa Tea (已結業)

契妹週四回港，即收到風「DK Cuppa Tea」有花仙子降臨，傳來聖誕祝賀，兩口子即襯機相約週六午聚去索一索仙氣。「DK」仙子將香薰融入多款咸甜小點，譜出紫艷脫俗o既「花弦之願」。此行仙境之旅迅即由魔法咭環節作序。唔知係咪大家生活節奏實在急促，每日都總係忙住依樣、忙住嗰樣，居然同時抽出教二人要放鬆及鎮靜o既「甘菊仙子」，也太巧合了吧。甘菊仙子帶黎o既「石斛胎菊茶」芳香甘濃，飲下第一杯已覺怡神益氣，肌肉都好似鬆弛不少。隨著盤上仙子小手o既方向，XO仔先向熱熱o既「黑松露牛肝菌湯」埋手。「牛肝菌湯」黑松露味淡薄芬芳，暖胃且不溜滯。高杯上有隻紫色o既紫蝴蝶，咸點面上則有隻食得o既彩蝶。咸點中o既「迷迭香牛角包」清香油潤，皮脆包鬆軟，簡單美味。連同微辣o既「沙樂美腸」就倍感惹味。緊貼著小蝴蝶飛往銀光閃閃o既寶盒，即發現盒內圍繞住粉紅色花花正藏著六小杯「海鮮沙律」。「田園沙律」中o既香煎帶子粒皮脆心嫩。「青口沙律」鮮甜爽滑。「龍蝦沙律」則爽脆甜美。返回仙子身旁終於輪到甜品啦！「仙子奇緣曲奇」牛油味香而不俗，而且非常脆口。對比下，紫紅色o既「紫薯魔幻曲奇」則較為輕巧鬆爽，各有特色。粉紅及粉紫色o