炑八韓烤親子餐廳

營業中

休息中

上年我哋係炑八慶祝聖誕假期，兩個仔玩得好開心，所以今年聖誕都book咗位去食返餐韓燒～未開餐之前兩個已經喺玩樂區玩！有波波池、滑梯、煮飯仔、軟積木同埋好多玩具，我哋坐喺座位隔住玻璃睇，可以舒舒服服坐喺度燒肉🙌🏻終於有個安靜舒適嘅用餐空間😂小朋友叫咗 #雪花滿天飛全日早餐 同 #聖誕老人便當 🍱賣相可愛有營養，因為係兒童餐，所以味道唔會太過濃，感覺比較健康🔆雞髀🍗炆得好腍，好好味🤤#炑八厚切五花肉 要慢慢燒，有專人燒，燒香燶邊好可口！ #外裙肉 肉嫩鮮甜，好快熟，有入口即溶嘅感覺！配埋任添嘅前菜食，好Fresh，正！再食咗幾次芝士粟米同蒸蛋！甜品方面叫咗 #聖誕花環雪糕窩夫 一家四口一齊食啱啱好🧇，外脆內軟好香蛋味！🥰特飲 #歡樂聖誕樹士多啤梨鮮奶 同 #聖誕老人朱古力特飲 打卡一流，大大杯share飲！