千両 (國際金融中心商場)

營業中

休息中

接近四個月沒有來了，好掛住呢度既魚生。所以今晚做完善事，決定嚟呢度醫肚。呢間壽司店一向是我既最愛，雖然價錢比起其他同類迴轉店稍貴，但一分錢一分貨，佢地既魚生極係特別新鮮嫩口，食完真係會上癮的！先來必食既特大帆立貝，大大既帆立貝啖啖肉，好正！如其他食家咁講，真係有入口即融之感。雖說是 SPICY tuna roll，但係完全唔spicy囉，有點失望。反之，吸引之處是外層既芝麻，帶起成個卷都有很香既芝麻味。蟹肉依然保持水準，鮮!呢碟算係此餐既驚喜! 第一次食鰹魚。話說見到隔離位set combo 有呢幾件「物體」，望落紅紅地色似係紅肉，估計係牛肉。再打開 menu 翻查，原來是魚類 - 鰹魚! 被佢既特別外表吸引一試。魚肉好鮮味唔會腥，掂，下之再黎一定會encore。