杏甜品 (香檳大廈) (已結業)

唔係個個都鍾意杏仁果陣味，我自己就好鍾意杏仁茶既，所以就留意到呢間以杏仁為賣點既甜品 佢整到有杏仁味之餘又易入口，例如杏仁茶吸吸，係飲得既杏仁茶代替椰汁，更加健康配埋呂宋芒超香甜，小丸子仲好軟糯龍眼爽冰係自家製冰加入攪爛左既泰國金標龍眼肉，唔會淨得無味既刨冰🧊，配埋超多椰果同脆皮珠珠，又無爆珠咁嗆喉，成件事好清爽好消暑想養生d既有原個燉椰皇，唔好睇佢細細個，d料裝到超滿，刮埋內裡既1cm厚椰肉黎食好正超滑溜既雙皮奶吸哂椰青水既甜味熱食配桃膠好養顏，係素食燕窩每一個無添加微糖自家製甜品都呈現出滿滿既健康甜蜜，原來老闆為媽媽創店背後同樣有個充滿愛既故事：媽媽健康日況愈下，老闆決定毅然回港陪伴媽媽，帶給媽媽一點甜、做媽媽的「超級食物」，像是杏仁般。這個窩心的小地方用左天然木系作為裝潢主調，仲掛有象徵希望既點點星光，背負著感人既故事，非常值得支持！