影片
更多
2025-06-25
543 瀏覽
已經係第2次嚟食，我想話佢D抽氣真係做得好好，食完個身係無咩味，因為我真係好怕一身油煙味，所以如果要食韓燒，我一定首首首選呢度！估啱到今次多咗生蠔同松葉蟹腳，鮮甜多汁㗎！而且生日蛋糕仲好食過上次🙈同上次一樣，我地加咗刺身任食，不過今次每位係$108，都ok啦咁多款海鮮刺身燒酒啤酒任飲任食😝仲俾1蚊加咗慶州千年韓牛西冷，呢塊牛真係一定一定要加，口感柔嫩鮮美，另外仲有1蚊醬油蟹拼盤，有齊蝦、蟹、章魚🤩同埋記得一定要訂枱，晚市訂枱又夠4位或以上就有呢D優惠，如果夠8個人，壽星係免費架！而且晚市都幾多人，訂咗枱就可以快啲有得食🙈再講吓有咩食先：🥬蔬菜/前菜喺晒自助櫃自己任拎，有生菜、粟米、三色椒、各式菇類、南瓜、翠玉瓜等，而前菜就有韓式豆芽、白菜仔、泡菜等🦐海鮮類海鮮都好多種類：虎蝦、多春魚、螺、青口、蜆、墨魚仔、扇貝、八爪魚、魷魚、墨魚、三文魚鰭等，我就幾欣賞啲蝦，都算大隻，啖啖肉而且肉質結實👍🏼🥩肉類：多嘢揀到選擇困難症發作，除咗韓國五花腩、豬肉、雞肉之外，仲有澳洲穀飼黑安格斯牛頸脊、封門柳、牛板腱、內群肉；美國安格斯肩胛翼、下肩胛肉，仲有牛舌同一口霜降牛等🇰🇷韓式熟食/炸物魚糕、薯仔、水
估啱到今次多咗生蠔同松葉蟹腳，鮮甜多汁㗎！而且生日蛋糕仲好食過上次🙈同上次一樣，我地加咗刺身任食，不過今次每位係$108，都ok啦咁多款海鮮刺身燒酒啤酒任飲任食😝仲俾1蚊加咗慶州千年韓牛西冷，呢塊牛真係一定一定要加，口感柔嫩鮮美，另外仲有1蚊醬油蟹拼盤，有齊蝦、蟹、章魚🤩同埋記得一定要訂枱，晚市訂枱又夠4位或以上就有呢D優惠，如果夠8個人，壽星係免費架！而且晚市都幾多人，訂咗枱就可以快啲有得食🙈
再講吓有咩食先：
🥬蔬菜/前菜
喺晒自助櫃自己任拎，有生菜、粟米、三色椒、各式菇類、南瓜、翠玉瓜等，而前菜就有韓式豆芽、白菜仔、泡菜等
🦐海鮮類
海鮮都好多種類：虎蝦、多春魚、螺、青口、蜆、墨魚仔、扇貝、八爪魚、魷魚、墨魚、三文魚鰭等，我就幾欣賞啲蝦，都算大隻，啖啖肉而且肉質結實👍🏼
🥩肉類：
多嘢揀到選擇困難症發作，除咗韓國五花腩、豬肉、雞肉之外，仲有澳洲穀飼黑安格斯牛頸脊、封門柳、牛板腱、內群肉；美國安格斯肩胛翼、下肩胛肉，仲有牛舌同一口霜降牛等
🇰🇷韓式熟食/炸物
魚糕、薯仔、水冷麵、紫菜包飯、蛋卷、泡菜煎餅、柚子醬單骨雞翼等，呢個雞翼真係好好食，酸酸甜甜，單骨又易咬，會唔覺唔覺食咗好多😂炸物方面就有餃子、雞翼、紫菜卷等
🦪刺身（另加$108任食）
有三文魚、赤蝦、希靈魚、帆立貝、北寄貝、甜蝦、生蠔、松葉蟹腳，生蠔大大隻鮮甜多汁，松葉蟹腳肉質細膩絲滑
🍨甜品：
自助雪糕機、窩夫、爆谷、蛋糕等
飲品：
自助汽水機
（另加$108刺身燒酒任食任飲）各款燒酒、啤酒、生啤
張貼
