我哋試咗幾樣嘢：
特製黑醬油拉麵，個湯底醬油味好香濃，叉燒夠厚，仲有嚿好大嘅豬軟骨，炆到好腍。
特製牛奶拉麵，我朋友試咗一啖湯，話真係好香牛奶味，好順滑，估唔到同拉麵都幾夾。配料同我嗰碗一樣咁足。
栗子紫薯餅，呢個我真心要推介！熱辣辣上枱，外面炸到好脆，一咬開入面係超軟嘅栗子同紫薯蓉，好好食，有驚喜，記得點！
特製荔枝梳打 & 白桃烏龍奶茶，兩杯嘢飲個樣都超可愛，會不自覺打卡先。荔枝梳打配埋啲蒟蒻粒好有咬口，感覺好爽！白桃烏龍奶茶就啱鍾意奶味重啲嘅人，唔會太甜。唯美中不足係杯上面啲忌廉用嚟打卡靚，但本人不是很喜歡忌廉，所以覺得冇會好啲。
特製芭菲，有雪糕、奶凍同新鮮水果，做結尾好滿足，多謝老闆建議！
食完嘢，重頭戲嚟喇...就係買精品！我哋真係忍唔到手，見到個個食客都買！真係好靚。最後買咗個角落生物環保袋，有個鎖匙扣送。跟住係社交平台 like & share post，又送咗個 Folder。最後鐘意收藏既我，買埋呢個超靚嘅珍藏版拉麵碗！
總結一下
呢餐飯真係好滿足，每個角落都係打卡位，影咗勁多靚相。最後埋單$364兩個人，包埋加一，喺銅鑼灣我覺得好合理。上菜快，職員nice，地方又乾淨。老闆話我知，角落生物主題會做到農曆新年前，而且12月仲會有聖誕特別版！
1
