火滾肥牛海鮮火鍋專門店

營業中

休息中

精神奕奕嘅一日，突然之間好想食打邊爐，於是打完麻雀之後就同埋班麻雀腳一齊去食。呢度啲湯底好多好特別，我哋就叫咗一個清湯牛腩湯底， 因為咁樣嘅湯底又有得食，又有得打邊爐，仲有牛腩食，而且料都好多有紅蘿蔔，又蘿蔔咁樣，睇上嚟到正，未到就更正，牛腩又大件又夠淋又夠好味。四個女人就唔會嗌好多嘢食，只會叫真係真心鍾意嘅， 我同 阿冰 都鍾意食肥鵝腸，問個老闆個老闆好似話今晚啲鵝腸幾靚，所以就叫咗嚟食， 都睇得出啲鵝腸係有肥膏嘅，616就食，非常正。朋友 阿瑛 就鍾意食蜆，所以我哋有叫咗啲蜆嚟食，啲蜆大大隻又冇沙， 味道又鮮又甜，好好食。我哋四個都鍾意食牛肉特別係 阿芳， 而且我哋一定要叫啲嘢食去到好下佢，因為佢今晚輸得好緊要， 牛肉又新鮮又靚，食起上嚟好有牛肉味道， 呢間鋪頭的牛肉佢話係手切嘅，我哋都信因為都好好食， 最好食係牛肉。