小火焰韓式咖啡廳 (樂富廣場A區) (已結業)

來到樂富廣場，朋友話好想食韓國嘢我就醒起曾經食過嘅小火焰，於是兜嚟兜去終於來到小火焰韓式cafe。呢度係用qr code點餸非常之方便，而且好多選擇花多眼亂，咁就叫啲有特色的korean food，两個人就叫咗“明蝦水冷麵”套餐和“泡菜肥牛炒淮山麵“套餐，本來諗住叫炒粉絲套餐，後來被"淮山麵"3個字戰勝了“粉絲”两個字😁套餐抵食之處就係嗌咗主食之後，仲可以加好少錢，就食到特色小食，可樂，雪碧啲飲品就唔使錢，其他凍飲都係加三蚊嘅啫，真係超級抵飲。水冷麵嘅配搭係的式韓式小魚餅，滋潤蜂蜜柚子茶，3.6牛乳奶凍；淮山麵餐的配搭係脆香牛油雞翼，雪碧同埋芒果雪糕。水冷麵入邊有半個流心蛋同埋啲紅蘿蔔，青瓜條，粉葛/白蘿蔔條？材料清新好味配埋小魚餅，好好；淮山麵揀咗小辣，都有D辣度，够惹味，還有大大隻香脆雞翼，好滿足。