茜廊餐廳 (上水匯)

營業中

休息中

今日行過上水滙，見到有抗疫優惠 ，$45外賣芭提雅原隻燒雞，就打算買隻黎試下，原隻雞用牛油紙包住入袋，返到黎啦仲有啲餘溫，牛油紙吸油， 所以隻雞冇油淋淋嘅感覺，個size比我預期中大，45蚊黎講算有驚喜， 原隻雞上，香草味唔算好濃， 雖然唔算得上嫩滑但係食落去都唔算乾， 雞皮啲顏色幾靚同香口， 仲有埋餐具膠刀仔同埋膠手套畀你，呢個位幾細心。如果有埋醬汁就更加好。係一個不過不失既加餸選擇。買返黎手撕食雞都算幾有風味！