平記咖啡冰室

平記其實好近我家，每次經過都見佢拉龍等位，心諗有冇咁威呀~咪又係茶記！
今日早起，未夠9:00就走落街揾食，冇人等就即管試下，我叫茄濃湯五香肉丁面，太太叫什菌湯鲜牛面，跟厚多士腸仔炒旦，凍奶茶，茶走。
除左茶走分數中上之外，其他的食品只係普通質素。
面，cheap cheap 即食面，冇嘢講。
什菌清湯，咪就係幾粒什菌加Ｄ清水咁清嘅湯，冇味，鮮牛，極淡色極淋極冇味。
茄湯，咪就係咩都唔使諗切—堆蕃茄滾個湯，冇技巧可言，好彩我叫五香肉丁，带Ｄ味比佢。
厚多士，無厘神氣，淋。
腸仔，全個街市每平嗰隻。
炒蛋，見有食評話正，吹得就吹，老麥都好過去。
其實今朝去到，見茶記有面早餐但冇沙爹牛就知出事。