影片
更多
2021-08-19
67 瀏覽
「燒味滷師」嘅店舖越開越多，最近喺荃灣大廈街又再下一城，開咗間新分店。 咁啱今日要去大窩口附近做嘢，處理完任務，就順便過嚟斬啲燒味返屋企加餸。可能係新開張嘅關係，店舖十分旺場，人流不絕，非常受附近街坊歡迎。店舖自設工場，所以全部嘅燒味都係新鮮現做。櫥窗明亮開揚，入面掛滿了各式各樣嘅燒臘美食，款款賣相都好吸引，心大心細，都唔知揀邊款好。睇咗門口嘅易拉架，原來舖頭做緊新張優惠，燒味佬叉燒，激讚價只係 $78 斤，而瑤柱貴妃雞、玫瑰豉油雞、客家鹽焗雞等，亦只係 $48 隻，非常抵食。揀咗至尊燒鵝上庄 ($110)、半隻客家鹽焗雞 ($25)、半斤燒味佬叉燒 ($40) 同 半磅泰式鳳爪拼海蜇 ($45)，睇下幾大袋，拎上手已知斤兩十足，非常墜手。先試下至尊燒鵝，外皮紅卜卜，油亮有光澤，真係令人食指大動。鵝肉水準唔錯，唔單止肉質有彈性，軟嫩不乾柴，而且食落充滿鵝油嘅脂香，甘香味美。鹽焗雞亦很值得一試，雞皮呈金黃色，望落去油光閃閃，非常誘人。雞肉好入味，薄薄的雞皮下幾乎沒有半點肥膏，肉質幼嫩滑溜，入口既有鹽香，也有雞味，滋味到不得了。燒味佬叉燒，叉燒選用了脢頭肉炮製，每片都切得非常厚身，大大塊，
「燒味滷師」嘅店舖越開越多，最近喺荃灣大廈街又再下一城，開咗間新分店。 咁啱今日要去大窩口附近做嘢，處理完任務，就順便過嚟斬啲燒味返屋企加餸。
可能係新開張嘅關係，店舖十分旺場，人流不絕，非常受附近街坊歡迎。
店舖自設工場，所以全部嘅燒味都係新鮮現做。櫥窗明亮開揚，入面掛滿了各式各樣嘅燒臘美食，款款賣相都好吸引，心大心細，都唔知揀邊款好。
睇咗門口嘅易拉架，原來舖頭做緊新張優惠，燒味佬叉燒，激讚價只係 $78 斤，而瑤柱貴妃雞、玫瑰豉油雞、客家鹽焗雞等，亦只係 $48 隻，非常抵食。
揀咗至尊燒鵝上庄 ($110)、半隻客家鹽焗雞 ($25)、半斤燒味佬叉燒 ($40) 同 半磅泰式鳳爪拼海蜇 ($45)，睇下幾大袋，拎上手已知斤兩十足，非常墜手。
先試下至尊燒鵝，外皮紅卜卜，油亮有光澤，真係令人食指大動。鵝肉水準唔錯，唔單止肉質有彈性，軟嫩不乾柴，而且食落充滿鵝油嘅脂香，甘香味美。
鹽焗雞亦很值得一試，雞皮呈金黃色，望落去油光閃閃，非常誘人。雞肉好入味，薄薄的雞皮下幾乎沒有半點肥膏，肉質幼嫩滑溜，入口既有鹽香，也有雞味，滋味到不得了。
燒味佬叉燒，叉燒選用了脢頭肉炮製，每片都切得非常厚身，大大塊，肉質肥瘦均勻，入口軟嫩多汁，加上沾滿了又甜又香的麥芽糖，真係色香味俱全，食過返尋味！
最尾呢款泰式鳳爪拼海蜇，係每次去食泰菜必點嘅，估唔到而家燒臘店都買得到。鳳爪晶瑩剔透，脆口度十足，加上酸酸辣辣，極惹味，令人食慾大增。海蜇表現亦不俗，好爽口，食落無腥味，面頭灑滿了粒粒芝麻，入口煙煙韌韌，帶陣陣芝麻香，真係越食越開胃。
張貼
