太上漁村海鮮酒家

營業中

休息中

忽然想食蒸魚，諗起呢間酒家，於是又再黎。點知門口已無晒D發泡膠箱，無得自己揀魚食，又唔見有蟹同賴尿蝦，裝修過靚左，不過之前好NICE既老伙記一個都無剩，黎左班C9侍應，問佢有乜例湯都唔知，最後叫左個二人餐，有蒸鮑魚四隻，蒸魚一條同冬瓜盅，後來又無冬瓜盅於是轉要例湯。見無菜本來加左碟椒絲腐乳唐生菜，但係個阿姐落錯單變左通菜，照殺啦。後來再加多碟波蘿咕嚕肉排。食物質素同以前無點變，廚房班底應該無轉，價錢都無平到，鮑魚係南非鮑同幾大隻，條海班都唔錯，通菜亦無死咸，波蘿肉排上檯時已飽左九成，所以無點食打包，但味道都唔錯。整體樓面侍應唔似以前班老伙記咁好，唔叫唔會做野，好在食物質素還可以，中規中舉，遲下想起食蒸魚時再黎過。